| 舞台/劇場討論區內容 |
|
|
| 首頁 | 內容 | 搜尋 | 張貼 | 回覆 | 下一個 | 上一個 | 上一頁 |
寄件者: 全紀錄
寄件者電郵:
日期: 2004/4/16
時間: 上午 02:34:42
遠端名稱: 218.102.140.119
焦媛創作根據錄音整理 倪震~~~絕情谷26/3 我買左喎一本雜誌，叫HIM……，裡面D女仔都幾順眼……其實25蚊都幾貴，但係點解我會買呢？今期我見到個封面，個女仔驟眼望落去仲以為係張燊悅，佢做咩影埋D咁巧既相？……完來係焦媛！ 真係好似！焦媛都好博喎！咁我見佢基本上係全裸啦，佢只不過o羅D頭髮呀, 手呀，遮下D重要部位……佢地呢D做舞台劇既都放得好開啦，焦媛入面有個訪問就話，如果舞台劇係需要佢裸露既話, 佢唔會驚既！佢試過啦, 我估佢仲"會"緊架！你睇…拿…佢呢個叫終極赤裸焦媛, 咁佢【蘇絲黃】呢個劇入面可能都會有大膽演出。 個訪問都幾得意架，好啦，等我揀D精D既出唻讀下啦…….赤裸的疑惑……你睇, 入面D相，真係好勁…亦都真係好似張燊悅…… 我以前對焦媛印象好模糊, 通常見佢係報章雜誌出現宣傳下舞台劇，見佢女仔細細粒粒，冇乜野丫？但係當我上次去到睇左佢果套話劇【100%激流女情】之後，拿，我又唔係睇好多話劇既，果次係我第一次睇啦，ha…佢又真係一上到舞台就會變身架喎！…哇…佢真係好sharp，同埋好吸引架喎！~~直情覺得佢係吸引同埋迷人架！…咁我覺得佢好犀利o羅！即係大家如果對焦媛冇乜印象既, 真係不妨去搵個機會睇下佢做舞台劇, 你對佢既感覺會完全改觀！唻緊最近果套咪係呢個【印象.蘇絲黃】o羅! 咁呢個訪問就係赤裸既疑惑…焦媛講："裸體是藝術既一種"，我認同！人與生俱來都係冇著衫架啦，咁要表現人最自然既一刻，當然就係要赤裸裸咁表現。性感既定義係咩呢?有D外國女星拍全裸既寫真集，大把捧場客啦，唔通呢D就係猥瑣咩？捧場客就係咸濕咩？其實性感係唔需要解釋既，只要脫得有原則,性感又何妨呢？ "劇情需要性感我會盡力做到最好，如果劇情真係有必要露點，我係絕對冇問題，藝術唔係歪念，做舞台劇係我既興趣，亦係我既生命，如果有人會因為我既性感而入場，我亦算係成功左一半，起碼已經推動左舞台劇既發展"，咁焦媛佢又講得幾得體喎！又講得幾明白呀！ 講起焦媛呢，大家第一時間就會聯想到露肉，而且露得好精彩。咁即將上演既【印象.蘇絲黃】，o拿，【印象.蘇絲黃】有曾江做架！曾江犀利呀！有冇睇占士邦呀！哇，幾型呀！國際影星呀！係焦媛自己開辦創作室之後既第二個推出既舞台劇，咁呢，據聞呢一次係焦媛大膽前衛既演出，而劇本既內容更加係露骨入肉。 係劇入面佢係飾演一個等待未婚夫唻迎娶既女人，o係等待中，為左金錢，晚上流連酒吧，出賣自己既身體，與數以千百計既水兵上床，但係佢既心態仍然係處女，因為佢從未對呢D水兵動過真情，其實係呢D思想上既矛盾，有好多人，o係日常生活中都會遇到，咁係劇入面呢，焦媛就係要將呢一種忐忑既感覺演繹出o黎。咁焦媛佢好喜歡探討人性既關係，所以呢套舞台劇呢，就好適合焦媛既表演慾。 都好似幾好睇喎! 係o羅，同埋又大膽演出…係o羅，佢上到台變左另一個人既！如果搵到阿張燊悅，搵埋阿張燊悅一齊去睇！真係，點到佢唔信！如果張燊悅聽到我咁講梗係唔信…梗係話，你隻衰野屈我呀？不過真係好似！D神態好似………