| 視覺藝術討論區內容 |
|
|
[ 內容 | 搜尋 | 張貼 | 回覆 | 下一個 | 上一個 | 上一頁 ]
寄件者: man
寄件者電郵:
Date: 28 Apr 2003
Time: 11:28:28
Remote Name: 203.186.163.70
「非典型事件」之 - 懵伯伯Q & A 27 April, 2003(1st version)
花了很多時間編寫，請各位細心欣賞及傳給朋友分享！
擴散篇
Q: 呢個係咩病毒?
A: 係「官」病毒引發嘅非典型「廢言」，又叫SARS。
Q: 你幾時先知SARS咁厲害?
A: 其實我一早已經知！仲一直高度關注件事！
Q: 點解楊局長話SARS冇擴散到社區?
A: 佢枱面咁多文件，好難全部睇得哂！
Q: 點解佢仲唔戴口罩?你戴?
A: 佢宜家仲未知SARS已擴散！而我好早就知！
Q: 咁市民係咪都要戴口罩？
A: 戴又得！唔戴又得！但最緊係兩樣嘢，其實係四樣，就係洗手！洗手！洗手！洗手！
Q: 點解政府唔早D叫市民提高警覺?
A: 宣傳片製作需時！
Q: 咁又點解唔早D做嘢呢?
A: 當時情況係好唔同嘅！
慢版篇
Q: 有人話你地慢半拍喎?
A: 我需要按步就班，然後一步、一步、一步……係咁做！
Q: 你嘅反應係咪後知後覺呢?
A: 我地做嘢係好「果斷」同「深思熟慮」嘅！
Q: 可唔可以快D?
A: 其實我嘅反應已經好快……但要全盤考慮、考慮…..再考慮……..我地已經好努力，日日係咁做！
Q: 你地做咗D乜?
A: 落區做Road Show囉！你地放心！政府係做緊嘢！
Q: 仲有呢?
A: 有！仲日日開會、諗辦法、開會、諗辦法！
Q: 咁你地諗到D乜辦法?
A: 我諗咗一籃子嘅救市措施！
Q: 咁你地幾時公佈?
A: 我仲同緊同事好小心咁研究！
Q: 即係幾時先公佈?
A: 我要抓緊時機……….再等一個適當既時候！
跟尾篇
Q: 係等乜時機?
A: 係等星加坡做先！
Q: 點解?
A: 星加坡未做，我唔會做！
Q: 咁點解咁遲先做隔離措施?
A: 星加坡未做，我唔敢做！
Q: 咁點解咁遲先停課?
A: 星加坡未做，我唔識做！
Q: 點解唔識做?
A: 因為停課容易復課難！
Q: 咁點解咁遲先復課?
A: 因為復課容易停課難！
Q: 咁點解咁遲先有大廈名單?
A: 我見星加坡冇做，咪唸住唔洗做！
慰問篇
Q: 咁政府對瘟疫有乜措施做?
A: 只要一座大廈有人受感染，我地成個政府會去處理！
Q: 宜家有千幾個病例喎！
A: 我地已經送晒去醫院處理！
Q: 有冇去前線探望前線醫護人員?
A: 我o係醫管局大樓慰問咗佢地囉！
Q: 點解你唔去前線探望佢地？
A: 我唔鍾意「前線」！
Q: 之後點解唔比佢地接受訪問？
A: 做完Show，咪叫佢地快D返「前線」做嘢囉！
Q: 醫護人員係咪值得表揚？
A: 我係永遠都唔會忘記佢地嘅！
Q: 你估我地會唔會忘記你呢？
A: 當然係永遠、永遠、永遠、永遠都唔會！
Q: 你其實關唔關心D醫護人員？
A: 我地係非常關心佢地嘅！
Q: 佢地成兩幾月仲未夠保護衣物喎！
A: 我地仲積極去搵緊……..去邊度搵！
Q: 出入境關口又幾時裝齊紅外線探熱器?
A: 我地仲深切研究緊……..去點研究！
Q: 有咁多病例，你點回應?
A: 我地已「超英趕美」！
Q: 咁而家點收科?
A: 我地已經搵緊解決方法！
Q: 咁搵到未呢?
A: 仲未有具體辦法，但我定咗方向係研究緊！
救市篇
Q: 等咗咁耐，救市措施有D乜?
A: 登！登！登！登！係118………！
Q: 柴灣去深水涉嘅巴士線?
A: 係派118億呀！
Q: 咁下年財赤點算?
A: 呢D係外圍經濟因素！
Q: 咁嚟緊失業率又點算?
A: 呢D係結構性問題！
Q: 咁宜家形勢如何?
A: 香港「憂」勢係好大嘅！
Q: 咁經濟有乜方向?
A: 要經濟轉型！全力生產口罩、滴露、漂白水同探熱 針！
Q: 有乜數據支持?
A: 有！係N95同1:99嘅支持！
Q: 仲有呢?
A: 出口SARS！
Q: 有冇阻力?
A: 有！都係N95同1:99嘅阻力！
Q: 你有乜信心保證?
A: 你地信我啦！
Q: 香港前景又點?
A: 你地放長雙眼睇啦！香港唔衰得！
Q: 咁經濟點樣先會好轉?
A: 要唱好香港！We Shall Overcome！
Q: 香港個SARS幾時好番?
A: 等中國好、香港好！香港好，中國好！
問責篇
Q: 點解你D手下做錯唔洗問責?
A: 跟著我…..佢地辛苦啦！佢地辛苦啦！我一個都唔可 以比佢地死！
Q: 咁你又有冇犯錯?
A: 我係無心之失,係政治敏感度唔夠！
Q: 咁你會唔會辭職?
A: 我咪叫咗高永民代我辭職啦！
Q: 係你呀?
A: 我有高尚情操！辭職係解決唔到問題嘅！
Q: 咁你係咪失職先?
A: 唔該你地唔好淨係識得o係度挑撥！
Q: 人地話你地高層有意見分岐喎？
A: 唔該你地唔好淨係識得o係度分化！
Q: 我地Complain下啫！
A: 唔該你地唔好成日淨係識Complain！Complain！ Complain！做D嘢啦！
Q: 咁可以做D乜!
A: 等！
Q: 等乜!
A: 等四年後！等我退休！
爆發篇
Q: 講番單SARS，點解會o係威院爆發?
A: 呢件係個別事件！
Q: 咁那打素呢?
A: 呢件都係個別事件！
Q: 咁點解淘大同牛頭角下邨呢?
A: 呢D全部都係個別事件！
Q: 咁加埋德福嘅Q.T.U.N.G.座呢?
A: 係顛覆嘅政治陰謀！我要立即處理！仲要23條盡快立法！
Q: 另外你地點做份淘大報告?
A: 我地參考咗外國顧問嘅意見！
Q: 你地有冇為醫護人員做好保護指引?
A: 我地都係參考咗外國顧問經驗！
Q: 係世衛顧問?定醫療顧問?
A: 係參考X-FILE 同 ER！財赤呀！
回應篇
Q: 你點回應早前陶傑叫你下台嘅文章?
A: 「日月報」聽講話公信力「最差」，係嘩眾取寵嘅三 九流作品！屬係低級趣味！
Q: 下一步仲會點做?
A: 我咪搵咗林局長搞掂佢啦！我遲D一定要做埋教育改革！
Q: 人地話林局長篇文冇乜料到喎！
A: 冇可能！佢收成萬蚊一日，冇理由唔夠幾舊水鬥嘅！
落區篇
Q: 上次你點解唔同懵太去牛頭角下呀?
A: 因為我唔著得全副武裝！
Q: 你係「突首」！佢唔係喎！
A: 佢係義工！我唔係呀！
Q: 咁又點?
A: 著成咁我會引起外國恐慌，影響國際評級！
Q: 著咪著囉，唔驚啦！
A: 我又驚D相比你放上網！有排比你地笑！
Q: 咁唔著全副武裝咪得囉?
A: 懵太驚！我重驚！
Q: 驚D乜！
A: 我係高危人仕呀！
Q: 你驚年紀大?病咗無得醫?
A: 唔係！我得個口罩，驚D市民認得我！(黃子華話)怕我 會出唔門口！
百忙篇
Q: 咁最近點解你又日日曝光咁忙？你怕北京下個炒你？
A: 冇D咁嘅事！你係邊間報館！?係咪生果日報！！
Q: Sorry…..你唔搵三司十一局幫你?
A: 真係一言難盡！
Q: 楊局長呢?
A: 佢衰多口，成日鬧人，D人驚咗佢！
Q: 咁何局長呢?
A: 佢衰多手，抽咗支下下籤，搞到咁大劑！
Q: 咁李局長呢?
A: 我吩咐佢唸清楚停課定復課！
Q: 咁林局長呢?
A: 我吩咐佢要自我增值，反擊陶傑！
Q: 咁馬局長呢?
A: 我吩咐佢要睇哂枱面D文件……同食飯！
Q: 咁葉局長呢?
A: 我吩咐佢搞掂23條，對付民主派！
Q: 咁兩位梁司長呢?
A: 詩姐要Stand By！亞蟲忙派米！
Q: 咁曾司長得閒掛！你都唔比嘢佢做！
A: 佢入咗冷宮….Sorry唔係……….. 佢都好忙！做緊人口報告！
Q: 又做?咪做好咗囉！?
A: 單SARS死咁多人，雞飛狗走，咪要做過囉！
Q: 咁你咪應該得閒D，仲要日日曝光?
A: 我乜都忙！佢地冇我吩咐係做唔到嘢！
Q: 咁你對自己有乜評價？
A: 我雖然係「老」，但唔「懵」！仲乜都「董」！
特此 向前線醫護人員的服務精神道謝 、亦為臥病在床
的病人作出 祝福 ，同時亦為不幸染病死亡的市民 默
哀 ！
特別........ 為服務市民而殉職的護人員致敬！！
作為普通市民，對政府只能口誅筆伐，歡迎各位進行刪改
及傳閱，令內容精益求精！
如欲索取副本，請E-mail 比本人
<tungtung9707@yahoo.com.hk>
man