「非典型事件」之 - 懵伯伯Q & A (完全版)

視覺藝術討論區內容

寄件者: man
寄件者電郵: metric@netvigator.com
Date: 15 May 2003
Time: 00:09:56
Remote Name: 203.198.114.4

擴散篇 Q: 呢個係咩病毒? A: 係「官」病毒引發嘅非典型「廢言」，又叫SARS。

Q: 你幾時先知SARS咁厲害? A: 其實我一早已經知！仲一直高度關注件事！

Q: 點解楊局長話SARS冇擴散到社區? A: 佢枱面咁多文件，好難全部睇得哂！

Q: 點解佢仲唔戴口罩?你又戴? A: 佢宜家仲未知SARS已擴散！而我好早就知！

Q: 咁市民係咪都要戴口罩？ A: 戴又得！唔戴又得！但最緊係兩樣嘢，其實係四樣，就係洗手！洗手！洗手！洗手！

Q: 點解政府唔早D叫市民提高警覺? A: 宣傳片製作需時！

Q: 咁又點解唔早D做嘢呢? A: 當時情況係好唔同嘅！

慢板篇 Q: 有人話你哋慢半拍喎? A: 我一向「急市民所急」，「想市民所想」！但我需要按步就班，然後一步、一步、一步做……係咁做！

Q: 你哋反應係咪後知後覺呢? A: 我哋做事係一向係「好有前瞻性」嘅，而且仲好「果斷」同「深思熟慮」嘅！

Q: 可唔可以快D? A: 其實我哋反應已經好快……但要全盤考慮、考慮…..再考慮……..我哋已經好努力，日日係咁做！

Q: 你哋做咗D乜? A: 落區…….做Road Show囉！你哋放心！政府係做緊嘢嘅！

Q: 仲有呢? A: 有！仲日日開會、諗辦法、開會、諗辦法！

Q: 咁你哋諗到D乜辦法? A: 我諗咗一籃子嘅救市措施！

Q: 咁你哋會幾時公佈? A: 我仲要同我D同事好小心研究！

Q: 即係幾時先公佈? A: 我要抓緊時機………再等一個適當既時候！

跟尾篇 Q: 係等乜時機? A: 係等星加坡做先！

Q: 點解? A: 星加坡未做，我唔會做！

Q: 咁點解咁遲先做隔離措施? A: 星加坡未做，我唔敢做！

Q: 咁點解咁遲先停課? A: 星加坡未做，我唔識做！

Q: 點解唔識做? A: 因為停課容易復課難！

Q: 咁點解咁遲先復課? A: 因為復課容易停課難！

Q: 咁點解咁遲先有大廈名單? A: 我見星加坡冇做，咪唸住唔洗做！

慰問篇 Q: 政府對瘟疫有乜措施做咗? A: 只要一座大廈有人感染，我哋「成個」政府會去處理！

Q: 但係宜家有千幾個病例噃！ A: 所以我哋咪送晒去醫院處理啦！

Q: 你有冇去前線探望醫護人員? A: 我喺醫管局大樓慰問咗佢哋囉！

Q: 點解你唔去前線探望佢哋？ A: 我醫生同同事都建議我唔好去「前綫」。

Q: 之後點解唔比佢哋接受訪問？ A: 做完Show..............

上次變更時間：2004年08月09日