| 視覺藝術討論區內容 |
|
|
[ 內容 | 搜尋 | 張貼 | 回覆 | 下一個 | 上一個 | 上一頁 ]
寄件者: grace pang
寄件者電郵:
Date: 09 Jul 2003
Time: 13:39:19
Remote Name: 210.17.129.167
冇錯，我預料到如果我講傳媒的不是，會有好多人同我扣帽子，話我係幫老董既。香港人有一種兩極化既思想，例如如果你罵政府就話你好野，係正義人士。我感覺到有好多人有呢種傾向，我覺得如果我公然咁講你地唔好因為傳媒罵政府、罵老董就話傳媒係好野，係正義，咁一定有好多人唔理三九廿七就丙我。
我係支持香港要有民主既，但係我唔認為一d人祇要掛住個「民主」既label就一定係正義人士呢種信念。我唔喜歡香港既傳媒既道德操守同報導既手法，但係好多人卻因為傳媒近期以煽動性既手法去講游行同特區政府，卻令到有d人開始唔介意傳媒一直以黎既品格。如果香港既民智就係咁樣、如果我地要求民主既一班人就係咁樣，咁對香港既將來真係仲大穫。
係一九九八年我同過一個民主派陣營做過d野，令我接觸到一d人士，亦令我體會到做呢d事既亦不外是一些人，他們可能認同某種政治見解為正確，但我認為比政治見解同家下好多人到講既政治智慧更加基本就係d人既政治良心。果班從事政治活動既人不境都係人，他們私底下係點樣既一d人，好多人都唔知，但係家下咁既時候，似乎如果罵下政府，罵下老董，大家就唔使理他們實在有幾多善心、有幾多祇係一種恣態，就好似一d偶像用一d年輕人認同既恣態去取悅他們。
好高慶呢度仲有一d清醒、有獨立思考能力既人。當然如過有人唔想采我，咁咪唔好采囉。而我亦知到講出呢類說話，一定會有人唔鍾意，祇不過覺得近期大家太情緒化，希望有d唔同既意見平恆一下。