| 視覺藝術討論區內容 |
|
|
[ 內容 | 搜尋 | 張貼 | 回覆 | 下一個 | 上一個 | 上一頁 ]
寄件者: Tobey To
寄件者電郵: beanccus@yahoo.com
日期: 2003/12/28
時間: 下午 02:48:01
遠端名稱: 203.186.163.70
看罷雙年展和中大藝術四十年, 唉, 一句講完, 好 悶呀!!!!!!!!!!!!!!!!!!!!!!!!!!!!!!悶死人, 呢班人究 竟幾時先消失呀, 過主啦唔該, 真係好希望佢地可以成 功如願打入西方Post Modern Artist 之列, 最好入哂 Tate Gallery, 唔好再喺香港呢個沙漠堆沙, 冇建 樹, 尤其雙年展個 Main Hall, 恕我膚淺, 除了石家 豪等一些有"素心"(Good term!)的藝術家外(有些忘記了 名字sorry), 其他我完全唔想睇, 藝術家的通病是一旦 把作品放入展覽館, 就會放任地將責任拋給觀眾, 你唔 睇簡介, 唔停留在其作品面前深思數分鐘, 你就冇資格 發表評論, 甚至冇資格論個人喜惡, 因為你唔明, 但卻 沒有巧慮過一個簡單的問題, 就是我根本毫無興趣睇你 的作品, 睇多一陣都嫌浪費時間, 但這些藝術家就是尊貴 地高深,本末倒置, 這是基於創作的不精煉, 和動機不純 粹,結果是自討沒趣, 這些香港精英藝術家, 好鍾意用盡 複雜的手法去表達簡單的訊息, 化簡為繁得啖笑, 此乃低 手也!!簡直有如王家衛和依力盧馬(Eric Rohmer)的分別, 後者擅於以精簡敍事說出人類複雜情感, 一啲廢話都唔 多,王氐就正如那些香港藝術人... 不需多說....唉!!! 建議呢班人平日睇少啲 Artforum 此類西方Modern Art 刊物, 你冇眼花,係睇少啲 ,睇少啲 ,睇少啲!!! 西方 Post modern art 已經玩到爛玩到臭, 悶粉到抽筋, 好 心反省下, 唔好跟在人家屁後, 吃了臭屁也不知人家在 笑, 佢地究竟知唔知咩叫真摯? 呢啲先令人有共嗚, 先會令人欣賞一睇再睇, 呢一點好多鬼佬係唔識架,佢地 只係識不斷破壞和重塑, 唔好俾人牽住鼻走啦,如果這些 香港藝術界主流就代表了香港藝術的話, 我唔只感慨, 而是不忿!! 好似話蕭競聰先生是評審甚麼的,好心佢不如 返去繼續搞果啲"唔知咩嘢設計" 算啦. 有一次"整餅佬" 梁志和同一個Para/site 中堅在牛棚講 talk 介紹蔡國強, 期間不外乎高舉蔡生如何智慧非凡, 如何如何巧妙地成功打入西方藝術界, 如何如何高呼當代 藝術不局限一幅平面畫, 諸如此類, 興高采烈的替人家拍 盡馬屁, 後來梁生說到自己親身與蔡國強的對話, 那個 Para/site 中堅就叫: 「嘩, 原來你同過蔡生打交道, 好 羨慕呀.....」情形就好似荷里活小影迷咁:「嘩, 原來 你同過成龍打交道, 好威呀...」那種盲目依從西方主流 藝術界的奴性, 就好似香港電影界一樣,做甚麼連金像獎 會埸鋪張紅地毯都要打著"媲美荷里活"的旗號, 好拜唔 拜, 拜荷里活? 情形如今天的香港藝術界,入選威尼斯雙 年展就等如成龍打入荷里活的光宗耀祖, 像個三生有幸 的小孩分到老師一粒糖, 我終於入圍啦, 見者心酸.